لعبه (بيت العيله)

السلام عليكم..
عندي لعبة اكيد اكيد راح تعجبكم
اول شي:- لانها مني Very Happy

وتاني شي :-لانها حلوه اكتير

و اللعبه هي ان كل اعضاء المنتدى يكونون اخوان في بيت واحد
سميت البيت << بيت العيله >>

مثال 1
واحد يقول وين جوااالي طلعولي جوالي
بدي اروح مشواري بسرعه
والثاني يقول جوالك عندي ماراح اعطيك اياه الا لما تعطيني مفاتيح سيارتي

تخيل كانك في بيتكم وشوف شو اللي راح يصير
اللي جوعان
واللي بيعزم احدعنده

واثنين يلي بطاوشو مع بعض على اي شي

وهكذااااااااااااااا
ان شاء الله مفهومه
بدي كل يطلع يلي في راسه هون بس في حدود الاخوان والاهل مواكثر
يلا انئول بسم الله

انا بدي انام هسى لاني تعبان اكتيــــر صوت ما بدي اسمع

يلا بدنا مشاركاتكم
حــــــــــــــــــــــــــ فلسطين ــــــــــــــــــــــــــلا

كيف بدك تنامي حلا والغسيل مين راح يسفطو
ولا بدك الماما تنتفنا
اول زي الشطورة بتسفطي الغسيل بعدين نامي ونوم الزالمين عبادة
لاني كمان بدي اطلعم مشوار وبدور على قميصي الي اختية المرة الي فاتت وين حطيتيه؟؟؟؟

أال وحد\ة بدها تنام وحدة بدها تروح مشوار ومين بدو يمزح البيت ويجلي الجلي ان شاء الله ولا شو رايكن انتن التنتين ؟؟؟

يلا بسرعة اعملن الي قلتو على بيل ما قاعد اتفرج على التلفزيون ويا رب اسمعكن بتتخانقن

بالله شوو
شوفو مين بحكي
لا يختي لا
غسيل مش غاسله وجلي مش جاليه ونوم بدي انام
وانتي يا ست متفائله ااه بتروحي بتغسلي البنطلون تبعي يلي شحتي واخذتي ماشي
يلا اشوف كيف بتسمعي الكلام زي الاطفال الامامير
حـــــــــــــــــــــــــــــــ فلسطين ــــــــــــــــــــــــــلا

مدير عدد المساهمات : 848 تاريخ التسجيل : 12/05/2009

الله لايصبحكم بخير

يلا بدي فنجان قهوة انا بسررررررررررعه

يلا بدي اشوف همتكم

اوكي بعملك فنجان ئهوه انا وبطلعلك اياها عسل
بس بشرط كلشي بحسابو
قبض بعمل
هههههههههههههههههه
لسى ما تنسى الدين يلي عليك ضايل بدي منك 2شيكل ونص بتردهم الي فاهم
ولا والله بصرخ وما بعملك حاجه مره تانيه
حــــــــــــــــــــــــــ فلسطين ــــــــــــــــــــــــــلا

مدير عدد المساهمات : 848 تاريخ التسجيل : 12/05/2009

ههههههههههههههههههه

طيب ماشي اوكي ولايهمك بس خليها ساده عشان تكون علي روحجك يارب

لك انا بكون بدي اعملها ساده
بس انت شو بتئول بلئهوه يلي بتعملها حلا
لك بنئلب الئهوه للحلوه
مش عملها بادي
بعدين اااه سلم تستلم /يعني هات بتاخذ
صحيح اخوات بس الحق حق
حــــــــــــــــــــــــــ فلسطين ــــــــــــــــــــــــــلا

مدير عدد المساهمات : 848 تاريخ التسجيل : 12/05/2009

مافي ولاشي ومابدي منك شي وووووووينك يامتفائله اعمليلي شاي من اديكي الحلوة

علي شو كل هالضجة الي عملاها حلا كيف لو انو طالب منك شي كبير كلو فنجان قهوة
ولا يهمك اسير انا راح اعملك اياها اسير لانو متفائلة مو فاضية

مدير عدد المساهمات : 848 تاريخ التسجيل : 12/05/2009

أهاا اوكي

يسلمو اديكي بردو انتي اديكي حلوة

يسلمو هيني بستنااا

من عيوني هلا بعملك بس بدي تطلع تشتريلي شغلة من السوبر ماركت بليز مشان اكلها انا وانت مع الشاي

ييييييييييييييييييييييييييييييييييي
شو هالبيت هادا عامل متل مستشفى المجانين
ما نعرف نرتاح ابدا
كل واحد عامل معلم عالتاني
شو ما في رحمة
اسير روح امل قهوة لحالك او بلاها احسن
لانو لما يعملو قهوة ويتكاتلو ساعة راح نقعد 3 ساعات نحل مشكلة جلي الفنجان
وانتي يا حلا الغسيل بينادي عليكي وماما راح تنتفك
وانتي يا ملاك بدل ما تقعدي تتمكرمني عالعالم روحي رتبي البيت ومسحي الغبرا

والله يطعمني اسمع صوتكو طالع مرة تانية

فضحتوناااااااااااااااااااااااااااااااا عند الجيران

ولك غصن بهون عليكي اظافيري يخربو بعينك الله عمليهم عني حبيبتي
بعدين شو رايك بكرا نطلع على سوء نشتري اشويه اغراض
شفتلك بنت لابسه جزمه بتاخذ العئل بدي اشتري متلها
حـــــــــــــــــــــــــــــــــــــ فلسطين ــــــــــــــــــــــــــــــــلا

ياااااااااااااااربى
يا بنات بدى ناااااااااااااام صوتكم مزعج بيكفى صراخ
اللى بسمع صوته رح يشوف شى ما يعجبه
بيكفى

بعدين معك يا اميره
انتي دايما هيك
تعالي معنا احكي واتسلي
دايما نوم نوم دخيلو الله
حــــــــــــــــــــــــــــــ فلسطين ـــــــــــــــــــــــــــلا

ييييييييييييييييييييي
والله انى نعسانة كتير
بس خلونى ارتاح ساعتين بس
وبعدين بيجى احكى معكم
اللى بيسمع بيحكى والله عنجد بيتسلوا
صارلكوا من الصبح وانتم بتتخانقوا

بس انتي اطعلي منها
مين حكالك انو احنا بنتئاتل
بعدين اسمعي ما بدك تطلعي معنا
حـــــــــــــــــــــــــــ فلسطين ـــــــــــــــــــــــــــــلا

اوك رح اطلع
هينى جيتكم
صحيح سمعتواهاى ملك اللى بدها تتزوج وهى صغيرة يا حرام لساتها 16 سنة
الله يعينها والله مسكينة

مين الك يا حلا انك بتقدري تلهينا والجلي البسي قونتي بايديكي واجلي شفتي ما ابسط هالحل
ولك والله الماما لتعمل فضيحة لما تيجي
اميرة انتي بتسدقي حلا ال بدها توخدنا معاها بعدين احنا ما بنحب نلبس متل حدا
احنا بدنا شي ما حدا لابس متلو بالقطاع

شو هالحكي يا ميرة والله ما سمعت
يا حرام وليش بدهم يزوجوها هيك بدري ؟؟؟!!!!!!

الله يا عينى ما بعلم
يلا ان شاء الله بيجيكى الدور يا روحى
بنخفف شوى

مدير عدد المساهمات : 848 تاريخ التسجيل : 12/05/2009

هههههههههههههههههه

طيب بلا حكي نسوان ولكلام فاضي

بدي اتعشي شو محضرين النا عشاااااااء

هههههههههه
فى جبنة وفى مرتديلا
الله يخليك احسب حسابى لانى رح موت من الجوع

يلا شدي حيلك يا ندى واعملي النا كلنا مشان انا برضو ميت من الجوع

يلا حبيبتي واي شي بدك تجيبيه من السوبر ماركت قولي لاسير يجيبو واعمليلي مق كبتشينو بالله

اهاا
بما ان فى سوبر ماركت الله يخليك اسير ما رح اطلب كتير
بس بدى منك سنيكرز انا عنجد اشتهيتها
وازا انا غالية ميرندا مو اكتر
ويسلموا

» لعبه اذكر الله
» لعبه الطفوله
» لعبه السجن
» لعبه (انا).......(وانت).....>
» لعبه مستشفى المجانين