. شو يعني حصار؟؟؟من عامين وبلدنا تحت الحصار!!
شو؟؟مافهمتش !!!!
بسيطة..رح اكولك باختصار
بلدنا سجن كبير..ملوش سكفيّة..اله جدار
المساحة 360كم2 وعدد السكان مليون ونص! مش كتار!!
ماتسألنيش عن العملة..عن العاصمة
رجاءً بدون اصرار
الله يسعدك ماتحرجنيش ازا علم البلد الأصلي طاااار!!
طيب كلّي تشيف الوضع؟؟تشيف الاحوال؟؟؟
بطالة ... مافش اشغال!!
وينهم اصحاب رؤوس الاموال؟
الله بيعلم بس اكيد بشتغلوا في الحلال!!!
اضراب معلمين..فش معاشات
تعليق طلاب...فش محاضرات
كل واخد ساكن هون...رح يضل مخبوس هون...
هيك وصّانا شارون!!
المعابر مش رخ نفتخ...لا بكرا ولا بعده ولا بعد الف يوم!!
(جندي اسرائلي يتحدث)
المي مقطوعة...الكهربا مقطوعة..وخط التلفون مقطوع....
الله يقطعها من عيشة.بس الفواتير اللي عمرها مابتنقطع...ياالله يقطعها!!!
أبواب السجن مسكرة
المي الي بتوصلنا معكرة!!
فش بضاعة مستوردة تدخل...وصناعة محلية يدوبك عنا
المحلات بتفضى...والمستودعات شو بتحمل؟؟
ريح راسك..واحفر نفق..هرب بضاعة..احسن حل لــ النا
بضاعة تهريب...اسواق سود..الطلب عالي..استهلاك رهيب..والعرض محدود!!
كل الاسعار قاعدة بتغلى..جرة الغاز بتفضى!!
والقهوة مش راظية تغلى!!
بلشت تفهم شو يعني حصار!!!
منع تجول – ما في طلعة من الدار!ا
احمد ربك لسا عندك دار...
جارك بيته انقصف وطاار!!
والله مش هاين علي اسملّك بدنك
بس بدك تعرف... ممكن يستشهد ابنك!!ا
بنقعد بالليل على ضو الشمعة
بدرّس ابني وبقلبي دمعة
خايف شي يوم يطلع عالمدرسة
يرجع شهيد ويموت حلم الهندسة
بس إزا بدك الصحيح يا ريت نكووون كلنا شهدا وما نكون متل كل هالعرب المكنسة
سميتلك بدنك غصبن عني... بس هاد تعريف بسيط (للحصار)ا
غلط غيري وسماها اتفاقيات سلام... في الواقع هيّ معاهدات دمار!
شاطرين في الشعارات "بناء دولة فلسطين مستقلة وعاصمتها القدس"
آآه ه ه مموسيقاوووووط!!! يبقى موووووت يا حمااارر!!!
لسا بتسألني "تشيف حالتش"؟ شو بدك ياني اكولك!!ا
متسخّم وماتشل هوا --- والوضع دايماً برجع لورا
بس " عايش – منيح – تشويس -- تمام"
خذ منّي وعد... بحلفلك بربـ السمـــا .. ْ~
رح اضلني فلسطيني و راسي مرفوووع!!!
رغم كل الــــي صـــار
على فكرة هادي لهجة أهل الضفة
الإثنين يوليو 27, 2009 6:09 am
