ازيكم يا اصدقائى ؟!
طبعا كلنا بنسمع عن ظاهره اسمها حب النت
فى منها صادق
وفي منها تسليه
انا بتكلم هنا عن التسليه
وبوضح الموضوع بمثال بسيط (( قصه قصيره ))
ويارب يعجبكم
فى احد المنتديات
واحد بيبعت لواحده
- هاى ... ممكن نتعرف يا مون؟
* اهلا يا مان .... اكيد يا سكر
- ده ميلى ... مستنى اضافتك ... شاووووو
وعلى الميل
___________
- ازيك يا مون
* ... وانت ؟
- زى الفل
* انت اسمك ايه ؟
- اسمى تامر 19 سنه... وانتى ؟ ((( وهو اصلا اسمه بيومى )))
* شاهيناز وبيقولولى يا شاهى ... 17 سنه (( وهى اسمها حسنيه ))
- اتشرفت بمعرفتك يا مون
* الشرف ليا يا مان
- سلام دلوقتى عشان اروح اجيب العربيه من التوكيل (( وهو اصلا نازل يأجر العجله بتاعته ))
* اوكى ... شاوووو
______________________________
وفى المره التانيه على الميل
__________________________
- وحشتينى اوى يا شاهى
* وانت كمان يا تموووره
- تصدقى مكنتش اعرف انك هتوحشينى كده
* ولا انا
- عايز اصارحك بحاجه
* قول
- انا معجب بيكى .... وتقريبا كده هحبك ((( انجزى وقولى هتوافقى نتسلى ولا لا )))
* وانا كمان معجبه بيك (( هو ده الكلام ))
- نفسى نتخطب
* وانا اكتر
- خلاص ايه رأيك نعمل خطوبه على الضيق فى غرفة شات
* موافقه بس انا كان نفسى نعمل حفله فى موقع كبير ... يلا المهم اننا مع بعض
- اوكى يا حياتى
__________________________________________________ ______________
وفى المره التالته
__________________
-الخطوبه كانت رهيبه يا حياتى ....
* ميرسى يا هارتى
- بس انا متضايق عشان الواد اللى اسمه ميمى ده ... شفتى كان قاعد يقولك ايه ويرد عليكى انتى بس
* فيها ايه ... مهو صاحبى
- صاحبك ؟
* اه طبعا
- انا مقبلش اخطب واحده بتكلم ولد غيرى ((( حجه عشان يفلت منها ))
* نعممممممم يا خويا ((( الاصل بان ))
اذا كنت انا ملففاك ورايا فى غرف الشات والمواقع .... وفى الاخر تقولى مقبلش
وبعدين ديه صداقه بريئه
- قولت تسيبيه
* لأه .... الرأى رأيى
- خلاص خليه ينفعك .... الوداع
*اشطه...مع الف سلامه((( بتنفذ مثل قالى الوداع قولتله اشطه ))
ومن هنا تبدأ القضيه
_____________
من الاخر كده كل الكلام اللى فوق ده هزار طبعا
بس بيحصل بقى
مش بالتفاصيل ديه بس بيحصل
للناس اللى عايزه تتسلى
طيب ليه ؟؟؟؟
واللى يتعامل بشخصيه غير شخصيته
ليه ؟؟؟؟؟؟
ليه بنقول على عالم النت كله كذب
مع ان العالم ده احنا اللى عايشين فيه
يعنى احنا اللى بنكذب بقى ( الحمد لله بتعامل بشخصيتى ومش بكذب)
طيب ما هو كل واحد لو مكذبش اكيد هيبقى اصدق
ليه مبقاش فى حدود فى الادب فى التعامل (( مش كله طبعا ))
ليه الولد لما يلاقى بنت بتقعد على النت وبتصلى يستغرب
ليه كتير يقولوا لا مش هنرضى نقعد اختنا على النت ؟؟
انت مش واثق فيها ؟
والا عارف ان كما تدين تدان
انت خايف اصل حد يعمل اللى انت بتعمله ( مش كل الناس طبعا )
الموضوع كبير وعايز تناقش
فى ناس بتقعد على النت والحمد لله محترمين
وكمان بالنسبة للبنات هواة اللعب بالعواطف والعقول طب ليه؟؟
وحتستفيدى ايه لما تجرحى حد ملوش ذنب غير انه طيب وصدقك
هل بخداعه حتستريحى وضمييرم حيستريح .....غريبة؟؟؟؟
وهل ده شئ يفرحك.................للاسف.........
ياريت يا جماعة اى حد فينا يحاول يراجع نفسه قبل مايفكر
ياذى حد ويراجع ضميره اكيد مش حيقبل بالوضع لو كان هو فيه
ولا ايه....................؟؟؟؟؟
الخميس أغسطس 27, 2009 4:45 am
