صبـــاح / مســاء الحريه يافلسطينيه
زمان علمونا انه الارض عرض .. وانه ان سلبت منك حريتك فقد سلبت منك الحياة
حفظونا قصة العجوز الي جمع أولاده واعطا كل واحد منهم عصا واحده فكسروها لكن لمن
أعاطهم الحزمة ماقدرو يكسروها.. وقلولنا شفتو كيف ياحلوين الوحده قوه .
رسمو في قلوبنا حدود وطن وقلولنا هاي فلسطين .. هاي هيا القضيه.
وشاورو باصبعهم عليهود .. وقالولنا هادا الي سرق البيت والارض ، الحريه والهوا ، هوا الي
سرق فلسطين .
كبرنا .. وماعادنا صغار
صحينا لقينا.. العرض مغتصب واحنا ساكتين
وحريتنا نسلبت .. وصرنا سجناء الوطن واحنا ساكتين
وعلى عكس قصة العجوز كل واحد فينا مسك عصا وبده يثبت انه هوا القادر على مسك زمام
الامور .. وفوق هيك رفاعنا عصينا على بعض كل هادا هه واحنا ساكتين
حدود الوطن ضاعت.. والقضيه اتسكرت وانختمت بالشمع الاحمر واحنا ساكتين
اليهودي سرق كل اشي حتى ارواحنا .. وضلينا ساكتين
القضيه ماعادت وطن .. القضيه صارت كرسي وشقفة ارض
صارت استعراض عضلات واتهامات ورصاص قررنا انه نسكنه في قلوب اخوتنا
بنعتذر يـــــــــــــــــــــــاوطن بنعتذر يــــــــــــاشهدا بنعتذر يـــــــــااسرى
اسفين يايحيى عياش.. قصتك انتست
قلبنا العراق يايحي
ضعنا يايحيى وضاع كل اشي
ماصرنا فلسطين صرنا غزة ورام الله .. فتح وحماس
الي كان في يوم مظلوم صار ظالم .. والشعب رايح بين الرجلين
خلص حررو فلسطين وطردو الغاصب ورجعنا لبيوتنا وعمرنا ارضنا
بس ضايل شوية حسابات بين الاخوه .. مش كل الاخوه بيتخانقو مع بعض ماهي مصارين
البطن بتتقاتل برضه
بنحكي وبنحكي وبنحكي ... والحكي ببلاش
أنا تـــايهه وماعدت فاهمه القصه
حد يفهمني ايش الي صار فينا ؟؟
ليش وصلنا لهادرجه ؟؟
أكتر من هيك ايش حيصير ؟؟
هلا مين هوا العدو مين المحتل ؟؟
يارتني ماعشت وشفت هالايام
أنا خلصت
وحبيت أحكي يمكن بنرجع نتذكر ايش كنا قبل مانكون فتح وحماس .. وايش كانت القضيه
تحيااتي
ياريت يكون الرد بحدود
الإثنين أغسطس 17, 2009 8:49 pm